Lo primtemps qu’ei arribat...lo temps de las sortidas
Tau com lo vin, lo Pagalhós navèth e lo purmèr Lambrusquèra que son arribats...
 

Sans titre

 

Que’n parlavan despuish bèra pausa, qu’ei hèit. Lo Pagalhós navèth qu’ei arribat, Lo « Collector » qu’ei ací…

collector_pagalhos.jpgQue i podetz arretrobar los dus purmèrs àlbums viniles deu grop : Los Pagalhós cantan lo Bearn e Sonque l’enveja de marchar.

En tot, 25 cantas dab L'estaca, Triste ei lo cèu, La bistanfluta, Los Cocuths, La plenta deu Pastor, Los tilholèrs, Pastorejant, Sonque l'enveja de marchar, Coheta, La Milhoquèra, Quan sia lo temps d'amor, Montahanas sus montahanas, M'a pres per fantesia, La sonomobila, etc…

E sonque 12€, qu’ei  balhat o quasi...

En venta a l’Ostau Bearnés, suu site www.pagalhos.com o auprès d’un Pagalhós de proximitat, com disen !

E taus mei pressats, Los Pagalhós que seràn en concèrt lo 25 d’abriu a Auloron e lo 10 de mai a Assat mes que ve’n parlaram ad aqueth moment…

 

Ua bona novèla n’arriba pas jamei sola e donc que’vs podem anonciar la sortida deu purmèr CD de Lambrusquèra : Bitsègas.

bitsègas_lambrusquèra.jpgTaus qui ne’us coneishen pas enqüèra, qu’ei un grop polifonic de cantas tradicionaus deus pirenèus mes d’aulhors tanben e qui existeish despuish 2006.

Que’us poderatz descobrir o tornar descobrir  lo 30 de mai qui vien a Laàs tà la Nueit Polifonica .

Que son seleccionats e en competicion dab 5 autes grops. Solide qu’an tot çò qui cau tà s’i escàder !

Lambrusquèra qu'ei lo nom d'un ausèth qui's passeja dens las vinhas e qui canta, un nom a l'imatge deu grop ! Que son 7 e quasi tots pairs de calandrons.

Lo CD que serà en venta a l’Ostau Bearnés lèu e que i trobaratz cançons de las classicas : Lo printemps qu’ei arribat, J’ai tant aimé une beauté, Deus trèits d’ua bruneta,…  de las plebiscitadas : Amor d'Aussau, Los caulets,… e de las introbablas: La hontina, Com hèn l'amor,…

Mes que’u podetz crompar per 15€ en çò de Fabrice, au Maine Montesquiou a Monenh, o en çò de Denis, a la farmacia de Denguin .

http://lambrusquera.jimdo.com/