Lo gascon lèu e plan a Seuvalada
E si gausavatz l’immersion pendent ua setmana, entà apréner lo gascon au contacte de familhas occitanofònes ?
 

E si gausavatz l’immersion pendent ua setmana, entà apréner lo gascon au contacte de familhas occitanofònes ?
Qu’ei çò qui perpausa l’associacion Silva Lata, deu 20 dinc au 24 d’octobre en lo calme deu vilatge de Seuvalada.
Aquestes sejorns lingüistics que tornan préner la formula aviada e desvolopada peu Miquèu Grosclaude. Lo prètzhèit que n’ei l’aprentissatge rapide e eficaç deu gascon mercés a ua immersion intensiva.

La practica que’s hè en las familhas deu vilatge qui arcuélhen los estagiaris pendent ua setmana : un banh linguistic qui possa l’aprentissatge de la lenga.

Los cors teorics collectius, assegurats en dus nivèus peus formators deu CFPÒC, que haràn a còp passat dab conferéncias balhadas per :
- Abel Dupuy : Avantatge de l'occitan dens l'ortografia francesa,
- Gilbert Narioo : L'emplec corrècte deu gascon,
- Pierre Salles : Etimologia deus noms de familha,
- Maurice Romieu : Las locucions e expressions figuradas,
- Pèir-Arnaut Grosclaude : Ensai de doblatge d'un filme en gascon.

La fin de vrèspe que serà consacrada a visitas o animacions (shiulaires de las montanhas pirenencas, quilhas de nau, visita d'ua mustra, danças tradicionaus,…).

Duas formulas possible :
    -Estagi intensiu en pension complèta ençò de las familhas occitanofònas
    -Estagi en miei-pension

Entresenhas mei : http://silva-lata.webnode.fr o 05 59 67 60 57