Lo Primtemps que torna sus l’Arribèra
Los Chancaires de Sent Pèr de Lèren que s’i hèn despuish seishanta ans tà la transmission de la cultura nosta. Alavetz, organizar un hestenau...
 

Los Chancaires de Sent Pèr de Lèren que son monde deus coneishuts en aqueth beròi parçan deu ras deu Gave d’Auloron, l’Arribèra. Que s’i hèn despuish seishanta ans tà la transmission de la cultura nosta : danças, cants e chancas taus petits e grans, creacion d’espectacles, escòla de musica, cors de lenga… 

Alavetz, organizar un hestenau tà muishar mei haut e mei hòrt e partatjar aquera cultura que semblava ua seguida logica. L’escaduda deu Primtemps de l’Arribèra n’ei pas mei a demostrar, la 11au edicion que se’n cargarà soleta deu 13 dinc au 16 d’abriu, a Sent Pèr de Lèren. E s'ètz en familha, n'esitetz pas. Augan, los Chancaires qu'an pensat a tot dab la Ninoèra deu Primtemps. L’enquadrament que serà assegurat per Claire-Sophie Chérel, directora de la ninoèra Los Petitons a Autarriba, dab l’ajuda de sòcis de l’associacion Chancaires. La ninoèra deu Primtemps que s’estarà a l’escòla mairau de Sent Pèr, au ras de la hèsta. Que serà ubèrta de ueit òras deu ser dinc a l’ua òra deu matin, lo divés 14 e lo dissabte 15 d’abriu. Las tarifas per serada que son : 5 € per un mainatge, 7 € per dus, 10 € per tres e mei.

Au programa :

- Dijaus lo 13 d’abriu : Dia deus mainatges (reservat a las escòlas) e Velhada ubèrta a tots e a gratis a 20H dab Conte musicau "L’òmi qui’s corrè au darrèr de l’escadença", canta "Ponts, palancas" : cants a enténer, a repréner – Creacion deus Chancaires, musica e ua seleccion de filmòts : « La Mameta », 2 épisòdis, Pauline Plat, Dètz, BIAIS, 2 episòdis de la seria PIGET e « Bonjour Monsieur », cort-metratge de ficcion, Piget productions.

- Divés lo 14 d’abriu : Dia deus mainatges (reservat a las escòlas) e lo ser :

19H : Aperitiu d’arcuelh e repaish : talòs grasilhadas

La serada per 3 espectacle / concèrt / bal : 10 € (8 € redusit, gratuit -12 ans) 

21H : Espectacle de dança NINIKA, companhia EliralE

22H30 : Bal SALTOKA

00H : Bal TOCTOCAU

- Dissabte lo 15 d’abriu

Tot lo dia a gratis : jòcs gigants, parc de chancas, mustras, projeccions

9H30–12H & 13H30–16H : Estagis de cant polifonic deu Biarn dab Matiu Dufau, de fabricacion d’instrument de tèrra cueita dab Marie Picard, d'acordeon deu Bascoat dab Maddalena Luzzi e de danças de Bigòrra dab Lionel Dubertrand e Clement Rousse.

11H : Passejada deu Primtemps

14H : Conferéncias : Ponts e Palancas

14H : Caça de tresaur

16H : Empont ubèrt 

18H : Espectacles deus petits Chancaires

19H : Aperitiu en musica – Repaish

La serada per 3 espectacle / concèrt / bal : 10 € (8 € redusit, gratuit -12 ans)

21H : COCANHA

22H30 : Combat d’acordeons

00H : FABURDEN

Mei d’entresenhas sus la programacion, suus estagis, sus las tarifas e suu hestenau en lo site deu Primtemps de l’Arribèra : loprimtempsdelarribera.com