Lo Primtemps que torna en l’Arribèra
La 9au edicion deu hestenau organizat peus Chancaires de Sent Pèr de Lèren que's debanarà deu 16 dinc au 18 d'abriu...
 

Los Chancaires de Sent Pèr de Lèren que son monde deus coneishuts en aqueth beròi parçan au ras deu Gave d’Auloron, enter Salias e Pèira Horada, l’Arribèra. Recentament, que’us vedom traucar Gasconha de part en part quilhats sus las lors chancas, entà har descobrir la cultura gascona a cada etapa on s’estanguèn, de Baiona dinc a Bordèu. Que s’i hèn despuish seishanta ans tà la transmission de la cultura nosta : danças, cants e chancas taus petits e grans, creacion d’espectacles, escòla de musica, cors de lenga…
Alavetz, organizar un hestenau tà muishar mei haut e mei hòrt e partatjar aquera cultura que semblava ua seguida logica. L’escaduda deu Primtemps de l’Arribèra n’ei pas mei a demostrar, la 9au edicion que se’n cargarà soleta deu 16 dinc au 18 d’abriu, a Sent Pèr de Lèren.

Programa :

Dijaus lo 16 d’abriu

Dia deus mainatges (reservat a las escòlas)

20h30 : Projeccions de films
« Tant que farem atal » de Roger Souza, cort-metratge
 « La hèsta », racontes collectats en l’Arribèra
« La Chancada de 2014 », en imatges e sons
 A gratis

Divés lo 17 d’abriu

Dia deus mainatges (reservat a las escòlas)
19h : Aperitiu d’arcuelh
Repaish : taloas grasilhadas
21h : ALIX, espectacle de creacion catalana
ASTOURA, bal d’electrad d’Auvèrnha
LE BAL BROTTO LOPEZ, bal popular deus país d’Òc

Dissabte lo 18 d’abriu

Tot lo dia a gratis : jòcs gigants, parc de chancas, mustras, projeccions
8h : Esdejuar sucrat o salat : trancha-ueu hromatge e cafè
9h-16h : Estagis de dança, musica e canta
10h-12h : Passejada deu bastit ancian dab Yvan Bareyre
11h : Quilhas de 9 e de 6
12h : Repaish
14h : Talhèr toponimic & caça de tesaurs
16h : Empont ubèrt
18h : Espectacle deu Chancairòts
19h : Aperitiu en musica dab los catalans de Sant Boi de Llobregat (espectacle Alix) e los Chancaires
Gran repaish deu Primtemps
21h : ARREBÒTS, musica e dança deus gaves
COCANHA  vs  DUO ABELA-VIDAL, duèl de bal Carcin Gasconha
LE PEUPLE ÉTINCELLE, bal jazz gascon de las tropicas

Mei d’entresenhas sus la programacion, suus estagis, sus las tarifas e suu hestenau en lo site deu Primtemps de l’Arribèra : www.loprimtempsdelarribera.com