Lo Mascaret que torna a Bordèu
La 5au edicion deu hestau Mascaret que comencè lo 27 de seteme passat e que's debana dinc au 5 de noveme 2016...
 

Qui a dit que Bordèu avè perdut la soa amna occitana ? Bordèu qu’ei a la crotzada de mantuas influéncias. Vila màger deu territòri gascon, pròcha deu lengadocian e deu lemosin, obèrta sus la Mar Grana e sus l’Occitania tota, la capitala de Gasconha que hè aunor a la cultura e a la lenga occitanas mercés a l’Ostau Occitan de Gironda.

Entà la 5au edicion deu hestau Mascaret, començat lo 27 de seteme passat e dinc au 5 de noveme 2016, Bordèu e la soa banlèga pròcha que’s tornan en·hicar en la lor identitat, obèrta, partatjaire, curiosa…

Aqueste eveniment qu’a la volontat de programar artistas e òbras de totas disciplinas artisticas, de trobar un equilibri enter fòrmas tradicionaus e contemporanèus, convidar artistas locaus, gascons e de las autas regions occitanas shens desbrombà’s d’orbí’s au monde e a las autas culturas…

Pendent un mei d’un mes, lo Mascaret que perpausarà concèrts, mustras, cinèma, contes, mercat gascon, conferéncias, bal… un programa deus cargats que v’invitam a anar véder en clicar aci.
 

Entresenhas mei sus la pagina Facebook deu hestau o suu site de l’Ostau Occitan : www.ostauoccitan.org