Lo Hestenau deu Patí que torna !
L’associacion D’Òc Si Gausas que serà presenta deu 25 dinc au 29 de julhet a las hèstas d’Ortès...
 

Que i èran dejà l’an passat e que tornan tà ua dusau edicion deu Hestenau deu Patí.

L’associacion D’Òc Si Gausas que serà presenta deu 25 dinc au 29 de julhet a las hèstas d’Ortès tà’vs prepausar ua seria de concèrts a gratis au contiengut eclectic e tostemps lo servici de restauracion.

Lo divés 25, l’obertura que’s harà a boca tiranta dab la Cantèra d’Ortès e convidats qui hicaràn a l’aunor las cantas de noste.

La serada que’s perseguirà dab dus grops : Brick a Drac e la « Rumba Style Pikante » de Kimbala.

Lo dissabte 26, « Les Orthéziens du Quartier » gessits deus grops Quartier Makibé, La Main Gauche e Le trottoir d’en face qu’animaràn lo repaish de mieidia dab ua session acostica.

Lo ser que poderatz véder cuate grops : los locaus de Wave Mountain, la samba brasiliana de Clube Cajuana e lo « Metal Brass Band » Pastors of Muppets.

Lo dimenge ser, qu’arcuelharàn dus grops los amics de Papà Gahús e lo lor ròck occitan, e lo punk Breton deus Ramoneurs de Menhirs.

Lo diluns 28, lo vrèspe que serà culturau dab ua visita guidada deu Patí e deu Musèu Joana de Labrit en occitan assegurada peu president de l’associacion deu Musèu, Robert Darrigrand.

La serada que serà dedicada au cant polifonic dab mantus grops qui’s seguiràn sus l’empont : Los de Broussez, Lambrusquèra, Balaguèra, Quinz’Amics, la Cantèra d’Ortès, Cante Bearn, Bastien Miqueu e hèra d’autes…

Lo dimars que serà lo dia deus mainatges dab jòcs de husta e « barbapapàs » a comptar de 10ò lo matin, espectacle taus mainatges « Poreta e Renard » per la Calandreta d’Ortès a 4ò lo vrèspe e en seguir lo Clown Mucho Miguel a 5ò.

Lo ser, los vesins de las Lanas deu grop Dià e los internacionaus suedés de Heymoonshaker que clavaràn las hèstas.

Restauracion cada dia, lo mieidia e lo ser, dab menuts a 13€ taus adultes e 5€ taus mainats, enterpans, estanquet…

Totas las animacions que son a gratis !