Lo Collègi sus l'empont
Despuish la rentrada de seteme, los escolans deu Collègi Calandreta de Gasconha qu'an lo privilègi de preparar un espectacle dab La Novem...
 

Despuish la rentrada de seteme, los escolans deu Collègi Calandreta de Gasconha qu'an lo privilègi de preparar un espectacle dab La Novem.
Geneviève Clément-Laulhère qu'ei vienuda a mantuns còps tà tribalhar lo cant dab eths e las lors professoras de musica ecrear un còs sonòr a basa de percussions dab ua lira de piano. Los collegians qu'an causit cants e Alain Muñoz qu'a escrivut ua trama dab la fòrma d'un conte.
Titolat "Lorsque l'enfant paraît", l'espectacle que hica en scèna la contaira Isabelle Loubère. La hèita que serà ritmada per intermèdis sonòrs o cantats per La Novem e peus collegians dab las lors professoras Mathilde Duffau, Emile Fourcade, Marie Marquette e Marie-Pierre Baylocq Sassoubre. Que parla deu mainatge, de la soa evolucion e de l'educacion. Qu'ei bilingüe dab los cants en occitan e lo conte en francés.

L'espectacle que's debanarà doman, lo divés 5 de mai a 20H30 a la Mediatèca d'Este a Vilhèra e que serà seguit d'un veire de l'amistat.
L'entrada qu'ei a gratis.

Informacions mei : InÒc Aquitània au 05 59 13 06 40