Lo Collègi que cèrca ua familha d'arcuelh
Ua collegiana shens teit tà la rentrada de seteme...
 

Lo Collègi Calandreta de Gasconha, qu'ac sabetz, qu'ei arcuelhut au bèth miei deu Licèu Baradat.

Non dispausa pas d'un internat com los autes collègis de la vila de Pau.

Cada annada, los eslhèves qui non demoran pas dens l'aglomeracion e qui non pòden pas tornar tà casa cada dia que son lotjats dens familhas d'arcuelh.

Tà la rentrada de seteme, ua futura collegiana qu' a besonh de'n trobar ua.

Tà cada joen, ua carta d'arcueil qu'ei mesa en plaça e un contracte qu'ei signat enter la familha d'arcuelh e los pairs.

La carta que precisa las disposicions e obligacions de cadun tà guarantir ua qualitat d'arcuelh, las relacions enter las familhas e enter la familha d'arcuelh e lo mainatge.

Un forfèit d'aubèrgament qu'ei fixat peu Collègi a 120€ per mes (3 nueits per setmana pendent 9 mes) dab lo dejunar, un repaish, un vrespèr, l'aiga, l'electricitat, lo transpòrt, lo lavatge deus linçòus e deu linge.

S'ètz interessats o si coneishetz monde qui la poderén arcuélher que podetz telecargar la carta e lo contracte.