Lo Carnaval tanben a Geronce
Gèusvath en holia las dimenjadas deus 14,15,16 e deus 21,22 de heurèr...
 

Rendetz-vos las dimenjadas deus 14,15,16 e deus 21,22 de heurèr peu Carnaval de Geronce. Un moment de non pas mancar taus amators de carnaval.

Drin d’istòria : Lo Carnaval de Geronce qu’ei vadut a l’Edat-Miejancèra. Que s’organizava en ua cavalcada on la horrèra desguizada e seguiva un car solet, aperat San Pançar !   
Mei pròcha de nosauts, en las annadas 50, l’arrenavida deu Carnaval que’s hè dab la participacion de cada barri de Geronce qui’s pelejan - amistosament rasseguratz-ve – en har cars florits deus beròis. Puish en las annadas 70, la holia carnavalenca que ganha tots los vilatges de GèusVath : Preishac, Aren, Gèus, Sent Goenh e Aurin. Mes lo nom demora lo Carnaval De Geronce.

En lo debut de las annadas 80, qu’estó decidit de crear un personatge emblematic qui mancava au Carnaval. Un artista que’u dessenhè e lo monde de la valea que’u trobè un nom : Baptiston Pair-de-Tots.
Uei lo dia, l’eveniment n’as pas perdut deu son dinamisme. La pròva que n’ei lo programa perpausat au parat d’aqueras duas dimenjadas : concèrt deu grop Nadau, repaishs, seguici, bals, serada mascada,…

Lo mei simple, qu’ei d’anar suu site internet deu Carnaval de Geronce. Qu’i trobaratz totas las entresenhas practicas e lo programa sancèr.