Lo CLAB en Amassada Generau
Lo Conservatòri deus Legumes Ancians deu Bearn que s’amassa tà la soa AG aqueste divés…
 

Lo Conservatòri deus Legumes Ancians deu Bearn qu’estó aviat en devath la fòrma d’ua associacion Lei 1901au mes de julhet 2013. Qu’amassa diferentas personas implicadas d’un biaish professionau o amator en maines qui pertòcan las diferentas dimensions deu projècte e qui desiran ajudar a l’animacion locau e au desvolopament d’aqueste territòri.

Lo prètzhèit generau de l’associacion qu’ei la realizacion e la gestion d’un conservatòri vegetau, espaci d’encontre, d’educacion e de formacion. Que s’organiza a l’entorn de la creacion d’un casau conservatòri de legumes, de plantas sauvatges e aromaticas, d’un vergèr conservatòri, d’un plèish frutèr e d’un parçan de produccion de legumes.

Lo CLAB, engatjat en un partenariat dab lo Conservatòri Vegetau Regioanu,que serà donc en amassada generau aqueste divés 5 de heurèr, a 18h30 a la mairia d’Assat.

Que serà lo parat de brembar los sons objectius màgers :

- Participar au manteniment de la biodiversitat cultivada e encoratjar lo desvolopament de varietats non ibride, dab la mesa en cultura de varietats ancianas de frutèrs e legumes,
- Educar a la preservacion de l’enviroament e a l’eco-ciutadanetat
- Encoratjar lo desvolopament  de la practica deu jardinatge en l’arrespècte de l’enviroament
- Favorizar los encontres enter los poblants deu territòri
- Participar a la reïnsercion e a la formacion de professionaus de l’ortalatge
- Realizar estagis e obradors de formacion
- Organisar conferéncias e amassadas publicas

Mei d’entersenhas suu CLAB : http://clab64.fr/