Lo CFPÒC que v’aten tà parlar
Lo Centre de Formacion Professionau en lenga e cultura Occitanas que prepausa lo son estagi « Parlar »...
 

Com de costuma, abans las vacanças de Nadau, Lo Centre de Formacion Professionau en lenga e cultura Occitanas que prepausa lo son estagi « Parlar » tà apréner l’occitan pendent la jornada deu dissabte 29 de noveme. L’estagi qu’ei ubèrt meilèu aus debutants o monde drin confirmats.

L’objectiu qu’ei lo seguent : estar capable d’exprimi’s, de compréner e de participar a devís simples.
Lo debanament qu’ei simple eth tanben :

- Un dia en immersion sancèra, l’aprentissatge actiu dab hèra d’expression orau entà que los aprenents e parlen lo mei qui’s posqui.

- Los punts de lenga (gramatica, conjugason…) que seràn tractats a la demanda deus estagiaris

E tot aquò solide dab un ambient de partatge, d’escambi, de convivéncia e respectuós de las competéncias de cadun.

Lòc e orari de l’estagi : Ostau Bearnés – 46 Baloard Alsàcia-Lorena a Pau, de 10h dinc a 17h
Prètz : 25 € - la tarifa ne compren pas los repaishs donc que’s cau har seguir un dequé tà minjar.

Entresenhas e inscripcions : 05 59 67 20 75 o cfp-occitan@libertysurf.fr