Lo CFPÒC Aquitània que recruta
Lo Centre de Formacion Professionau en lenga e cultura Occitanas que cèrca formators en las Lanas...
 

Darrèr aqueth sigle que s’escon lo Centre de Formacion Professionau en lenga e cultura Occitanas.
L’associacion qu’estó creada a Ortès en 1999. Lo son prètzhèit qu’ei la promocion de la lenga e de la cultura occitanas mercés aus sons cors (cors setmanèrs taus adultes) e a las soas formacions (estagis de lenga en immersion, formacions professionaus adaptadas au besonhs).

Servici public vertadèr, lo CFPÒC Aquitània com los autres sòcis deu hialat CFPÒ de Besièrs e Tolosa, qu’auhereish a tots los qui ac vòlen la possibilitat d’apréner lo gascon e atau respóner au miélher a la demanda sociau mei anar mei hòrta.

L’an passat, que son 26 cors qui estón ubèrts peu Bearn e peu Baish-Ador (Anglet, Polhon e Sent-Martin de Senhans) dab l’ajuda de quate salariats permanents e d’un quinzenat de formators vacatàris.

Augan, lo CFPÒC que persegueish la soa evolucion e que contunha lo son tribalh en las Lanas en aviar navèths cors setmanèrs.
Que i cèrcan donc formators, en particular suu parçan de Dacs.

S’ètz interessats o si desiratz mei d’entersenhas, que podetz contactar lo CFPÒC Aquitània au 05 59 67 20 75 ou cfp-occitan@libertysurf.fr