Las calandretas qu’an tostemps la mudèra
Las calandretas, qu’ac sabetz, que son escòlas associativas. E tà poder víver, que las cau tostemps trobar ideas o organizar eveniments qui pòden amiar moneda.
 

Las calandretas, qu’ac sabetz, que son escòlas associativas. E tà poder víver, que las cau tostemps trobar ideas o organizar eveniments qui pòden amiar moneda. Mercés a l’implicacion deus ensenhaires e deus pairs d’eslhèves e deus associatius, lo movement Calandreta qu’ei hèra actiu e que'n serà enqüèra lo cas l'auta dimenjada, lo dimenge 20.

En purmèr, la Calandreta Auloronesa que serà en hèsta a sala d'Eisús. Rendetz-ve doncas a mieidia dab un aperitiu seguit d'un disnar dab musica, cantas e espectacles deus calandrons. Las tarifas que son de 15€ per adulte e 5€ per mainatge de mensh de 12 ans. las inscripcions que's hèn dinc au diluns 14 de noveme en enviar lo bulletin (ici) a Calandreta - Marcadet - 1 carrèra Gassion - 64400 AULORON. Entresenhas au 05 59 39 47 91 06 76 60 56 77.

 

E de mei tanben aqueste còp deu costat d’Ortès, los pairs d’eslhèves de la Calandreta de la ciutat de Febus dab la lor associacion Anim'Òc que haràn dançar lo monde en collaboracion dab Cultura de Noste. Que'vs balhan rendetz-ve a 15.30  tà un bal dab lo grop Tshakabass. L'entrada  qu'ei a 6€.