Las calandretas qu’an tostemps la mudèra
Quauques eveniments en l'agenda de Calandreta...
 

Las escòlas calandretas, qu’ac sabetz, que son escòlas associativas. E tà poder víver, que’us cau tostemps trobar ideas o organizar eveniments qui pòden amiar moneda. Mercés a l’implicacion deus ensenhaires e deus pairs d’eslhèves e deus associatius, lo movement Calandreta qu’ei hèra actiu e que n’ei enqüèra lo cas per aquestes dias.

Aquesta dimenjada, la Calandreta Auloronesa que serà en hèsta a Laduish. Dissabte ser, lo 23 de noveme, lo grop Trauca-Sègas qu’animarà un bal gascon a comptar de 9ò deu ser a la sala de las hèstas (entrada : 7€). L’endedia, de mieidia enlà, aperitiu, disnar dab musica, cantas e espectacles deus calandrons (05 59 34 31 46 o 05 59 39 47 91).

Dimenge qui vien tanben, mes aqueste còp deu costat d’Ortès, los pairs d’eslhèves de la Calandreta de la ciutat de Febus que haràn dançar lo monde. Avisatz-ve ! Briga de bal gascon o sauts bearnés au programa mes zumba !!! Rendetz-vos a Ausencs a 10h taus mainats (2€) e a 10h45 entaus adultes (5€).

Dissabte lo 29 de noveme, qu’èi l’associacion culturau de la Calandreta Titouan Lamazou de Masèras-Lesons, Los Hadets, qu’organiza la soa purmèra grana hèita. A partir de 19h30, en la sala Courtois, l’estanquet que serà ubèrt per las purmèras cantas de la serada. Que serà seguit d’un repaish (8€).Que podetz reservar au 06 51 32 37 85 o calandreta.titouan.lamazou@gmail.com