Las bastidas encantadas que's segueishen
Bascos e bearnés que's desfidan a la canta tot l'esiu au còr de las bastidas deu parçan...
 

Despuish dus ans, au còr de l’estiu, que’s debana lo hestau de cants de las Bastidas Encantadas, organizadas per l’associacion Bastides 64 (http://bastides64.org/ ).

Sheis bastidas que receben au parat d’ua serada hestiva, dus grops de cantaires qui interpretan cantas bascas e bearnesas. Après un vòte deu public, lo grop seleccionat que participarà a la gran finala qui’s debanarà a Garlin lo 28 d’aost.

Començat duas setmanas a, lo concors qu’a vist los bearnés deus Haget emportà’s la purmèra serada contra Shanteona de Sent Vincenç de Tiròssa, puish la setmana passada, los Quinz’Amics de Castethins-Valensun qu’an ganhat la lor plaça en finala contra los bascas de Bihotzez.

Las autas datas :

Dissabte lo 23 de julhet – Navarrencs – 20h30
Tanat d’Augeu  e Argileak  (Baiona)

Divés lo 29 de julhet – L’Estela Bètharram – 20h30
Los Cantaires Vinhèrs deu Vic-Vielh e Xiberoko zohardia  (Tardets)

Divés lo 5 d’aost – Gant – 20h30
Los Hardidets de Maseròlas e Lagunt Eta Maita (Pau).

Divés lo 12 d’aost – La Bastida Clarença
L’Orfeon de Salias de Bearn e Mendixola (Hasparren).

Mei d’entresenhas au 05.59.66.10.22 o contact@bastides64.org