Las Baronias a l'òra deu trad
Deu divés 29 dinc au dimenge 31 de julhet, que’s debanarà a Avesac en las Hautas-Pireneas, la 18au edicion deu hestenau Rencon’Trad...
 

Aquesta dimenjada, deu divés 29 dinc au dimenge 31 de julhet, que’s debanarà a Avesac en las Hautas-Pireneas, la 18au edicion deu hestenau Rencon’Trad.

Com de costuma, las carrèras que s’animaràn e que deisharàn la plaça a ua beroja mesclanha de musica, danças, bals repaishs, cantèras, concèrts…

L’esperit deu hestenau que’s pot resumir a la citacion presenta suu lor site internet  : « Qu’espiam, qu’escotam, que’ns parlam, que tocam, que tastam, en dus mots, que s’i sentim plan. Dancem, jogem, arridem : Rencon’Trad, qu’ei lo rendetz-ve deu cinc sens au servici deu sheisau, lo de la hèsta ! »

Programa deu Rencon’Trad 2016 :


Divés lo 29 de julhet
22h : Bals dab los grops Carabal e La Base Duo

Dissabte lo 30  de julhet
De 10h dinc a 17h : Estagi de danças dab Paulette Faucon
(Iniciacion a las danças de bal – a gratis – ubèrt a tots)
15h : Concèrt de cants polifonics en la glèisa dab Plegats de Votz, Còp de Cap e las Mondinas
18h : Cantèr’Apero
22h : Bals dab La Rouzine e Castanha e Vinovèl

Dimenge lo 31 de julhet
Tot lo dia : vueita-graèr, brocanta, mestierau, jòcs tradicionaus gascons (rampèu, quilhas, palet gascon)
11h : Concèrts de cants polifonics en la glèisa dab Trauca Sègas e Eths Micalets
12h30 : Cantèr’Apero
15h : Demostracion de danças folcloricas dab Les Vaillants d’Ossun
17h : Talhèr de danças e bal hestiu taus mainats animat per Parpalhon
21h : Bals dab Boha qui pòt e Parpalhon

Mei d’entresenhas au 05 62 39 66 74 / 05 62 98 82 37 o sus www.rencontrad.org