Laruntz cincau estapa de Seteme en Bearn
Cada purmèra dimenjada d’octobre que’s debana a Laruns la Hera deu Hromatge...
 

Adara qu’ei la tradicion, a Laruntz, cada purmèra dimenjada d’octobre que’s debana la Hera deu Hromatge. Tot lo vilatge que s’afaita de vestits de hèsta e que viu au ritme de la hera : cants, danças, demostracions de tóner e de fabricacion de hromatge e d’autas animacions pendent aqueths dus dias qui hen aunor aus saber-hars e a la cultura aussalesa.
 

Quintze a vint-mila personas  que’s deishan sedusir cada annada dab un programa basat sus la descobèrta, l’escambi, la degustacion de hromatge dab Juranson shens desbrombar los produits deu centenat d’expausants amassats peu vilatge. Los visitors que descobreishen tanben lo tribalh de tot dia deus aulhèrs tau com las dificultats mes tot que demora dens un esperit de hèsta e de convivéncia. Qu'ei lo parat de véder o tornar véder tot lo riquèr de la cultura nosta dab la musica e los cants tradicionaus, lo bal aussalés e lo concèrt polifonic.
 

Lo partatge que serà tanben de la partida pr’amor despuish quauques annadas, los organizators qu’invitan ua region qui serà hicada a l’aunor mercés a la soa cultura o a la soa produccion. Après la Soïssa en 2013, los vesins d'Aragon en 2014, la Navarra que serà a l'aunor de la hera 2015.
 

 

Lo programa sancèr de l’edicion 2015 qu'ei disponible ací en lenga nosta o suu site internet de la Hera.
Entresenhas mei : 05 59 05 31 41 o www.ossau-pyrenees.com