Laruns a l’òra de la tradicion
N’ei pas ua causa desconeguda de díser que la Vath d’Aussau ei ua tèrra hòrta de tradicion...
 

N’ei pas ua causa desconeguda de díser que la Vath d’Aussau ei ua tèrra hòrta de tradicion.

Quitament si los aussalés n’an pas hrèita d’ua rason particulara entà hicar en davant las lors tradicions, dus eveniments qu’arriban pet a pet entà las har aunor a Laruns.

Purmèr, la Hestejada Aussalesa qui’s debana augan au mes d’aost, mei precisament lo dimenge 10.

A comptar de 18h, lo concors de cantats deus mainats que lançarà la serada abans l’aperitiu e lo bal aussalés a 19h. A 21h, Los locaus de Natseipas que pujaràn sus l’empont entà cauhar la plaça au trio basco de Kriolinak. La plaça deu fronton de Laruns que vederà arribar de cap tà 22h, los participants au concors de polifonias bearnesas abans de deishar la plaça a mei d’espontaneitat dab ua cantèra dinc au cap de las votz.

Que trobratz solide de que minjar e clacar. L’entrada qu’ei de 5 € entaus adultes e de 3 € entaus mainatges.

Dusau moment de non pas mancar taus aussalés, la Hèsta de Nosta Dama lo 15 d’aost. Qu’i vienen tots, los de Laruns e los qui son partits mes qui tornan tà non pas desbrombar e tà contuhnar de har víver la lor cultura.

Au programa : aubadas, gran passacarrèra dab musicians e dançaires en vestits tradicionaus, cantèra, bal…

Entà véder lo programa mei en detalh, clicatz ací.

Mei d’entresenhas au 05 59 05 31 41.