La refòrma deus collègis vista peus professors d’occitan
La refòma deu collègi ne‘s hè pas shens mau, mei que mei tà l’ensenhament de l’occitan...
 

Que sabem que la refòma deu collègi ne‘s hè pas shens mau, mei que mei tà l’ensenhament de las lengas regionaus e de l’occitan en particular.

Après aver recebut mantuns messatges d’inquietèr, La FELCO (Federacion deus Ensenhaires de Lenga e Cultura d’Òc de l’Educacion Nacionau) qu’a enviat un questionari en las 8 academias pertocadas (Niça, Ais-Marselha, Grenoble, Clarmont, Montpelhièr, Tolosa, Bordèu, Lemotges, Peitius e Ila de França).

Lo tornar que n’ei un trentenat de testimoniatges e un estat deu lòc de l’ensenhament de l’occitan uei, ensenhament qui pateish d’un imatge negatiu sovent present en çò deus collègas d'autas disciplinas com de la ierarquia.

Vista deu terrenh enlà, las paraulas rassegurantas de la Ministra de l’Educacion Nacionau a perpaus de l’utilitat de la refòrma entà ahortir l’ensenhament de las lengas regionaus, que semblen luenhècas.

Que’vs deisham léger l’enquèsta de la FELCO en clicar ací.