La detzau tà Hestiv'Òc
Purmèras indiscrecions sus la programacion musicau de la detzau edicion de la hestejada occitana...
 

 

A Paris la setmana passada tà presentar lo hestenau a la premsa nacionau, l’associacion Accents du Sud qu’avè ua mairina de purmèra devira en la persona d’Isabelle Ithurburu.

Tornada en Bearn, qu’ei a l’Ostau Bearnés qu’a causit de convidar la premsa locau e que l’i arcuelhóm dab hèra de plaser dimars.

Augan Hestiv’Òc que’s debanarà deu 21 dinc au 24 d’aost dab mei de 60 espectacles e 300 artistas : un programa deus cargats dab mantuas suspresas qui seràn desveladas chic a chic dinc au hestenau.

La purmèra qui ne n’ei pas mei ua, qu’ei segur « Clap de Lenga », un hestenau dedicat au cinèma occitan a Salias deu 9 dinc au 11 de mai.

La dusau qu’ei la coproduccion d’un espectacle qui mescla dança tradicionau e contemporanèa e qui serà presentat peu purmèr còp au parat de Hestiv’Òc.

Tà las autas que calerà aténder un pauc…

Passem a çò qu’esperatz tots, la programacion musicau.

        Que’vs podem dejà anonciar suu gran empont :

          Lo dijaus 21 : Biella Nuei (Bal fòlc – Aragon) e L’art à tatouille (Electro trad – Lengadòc)

-    Lo divés 22 : Blues de Picolat (Blues – Perpignan), Ba’al (Musica tà dançar – Gasconha), Pirat’s Sound Sistema (Reggae Ragga – Catalonha) e Goulamas’K (Ska Trad Punk – Lengadòc)

-    Lo dissabte 23 : Los cantaires de l’Ozom (Polifonias Bearnesas), Papet J et le 149 Band (Raggamuffin – Provença) e Els Catarres (Ròck hestiu – Catalonha) 

-    Lo dimenge 24 : Raices de Navarra (Jotas – Navarra), Los Seuvetons (Cants e danças tradicionaus deu Bearn), Niko Etchart eta Hapa Hapa (Cançons ròck – País basco) e Lhi Balòs (Ròck fòlc occitan – Itàlia).-         

De non pas desbrombar tanpòc, « Los vrèspes deu Fòlc » au Teatre Sent Loís :

-         Lo divés : La Mau Maridada per la Companhia Cantalas, un espectacle musicau e coregrafic,

-         Lo dissabte : Arraya grop de cants polifonics basco-bearnés dab un navèth espectacle,

-       Lo dimenge : « La qui s’a trobat un mèste » per Los Comelodians de Saut, ua comedia en 4 hèitas.

Totas las entresenhas que son sus : www.hestivoc.com