La detzau candèla deu Collègi
Lo Collègi Calandreta de Gasconha que hesteja los sons 10 ans, la detzau candèla que s'apressa...
 

Augan, lo Collègi Calandreta de Gasconha que hesteja los sons 10 ans. Entà mercar aqueste aniversari, escolans, professors e associatius que's son amassats tà organizar 10 eveniments au briu de l’annada escolara, dab la mira d’amuishar la vita activa deu Collègi.

Cada eveniment qu’ei estat representat per ua candèla e lèu que serà bohada la darrèra, la detzau. Tots los actors deu collègi que’vs balhan donc rendetz-vos entà la 10au Hèsta deu Collègi, lo divés 3 de julhet a la MJC deu Laü a Pau.

Joan-Francés Tisner, qui estó lo purmèr president de l’associacion, que lançarà la serada a comptar de 19h o meilèu los collegians qui jogaràn lo lor espectacle gavidat peu musician e cantaire bearnés.

Puish que seguirà a 20 h30 lo repaish abans lo bal gascon dab lo grop Dus a 22h30.

Entau repaish que cau reservar abans lo 26 de junh  au 05 59 82 12 93 o lo-collegi@orange.fr

Puish si voletz mei d’entresenhas suu Collègi Calandreta de Gasconha, que podetz visitar lo lor site internet : www.collegipau.fr