La batalèra de heurèr deslocalizada
La batalèra en lenga nosta qui vien, que cambia de data e de lòc...
 

La batalèra mesadèra de l’Ostau Bearnés que prenó ua pausòta au mes de genèr. Mes qu’ei tà tornar mei hòrt au mes de heurèr. Dus cambiaments a notar entau monde acostumats a las nostas devisadas en lenga nosta, la data e lo lòc.

La batalèra qui vien, que’s debanarà lo dijaus 6 de heurèr, a 19h. Ne vienetz pas a l’Ostau, qu’i trobaratz pòrtas clavadas. Que calerà mudar de cap taus locaus de l’associacion Café Suspendu* qui’ns arcuelharà a Gelòs.http://cafe-suspendu.org//wp-content/uploads/images-page/logo-cafe-suspendu-penche.jpg
La serada qu’ei ubèrta a tots solide, mes qu’i vederam tanben la participacion d’aprenents deus cors deu ser de l’aglomeracion paulina, acompanhats per formators, qui partatjaràn las lors experiéncias. Un biais d’explicar perqué an causit d’apréner l’occitan, mes tanben de poder emplegar la lenga en dehòra deus cors, en tot escambiar dab monde qui segueishen motivacions parièras o pas. Que serà lo parat de descobrir l’associacion Café Suspendu, los sons prètzhèits e las soas activitats.

Com de costuma, la convivialitat e la simplicitat que seràn los mèstes mots de la serada. Los qui volhin,  que’s poderàn har seguir drin de museta. En l’encastre deu Café, que seràn perpausadas tanben bevudas (cafè, tè, vin, shucs,…).

Entresenhas mei : 05 59 30 60 34

Entà conéisher mei l’associacion Café Suspendu, contactatz Hélène au  O6 50 67 27 63 o helene@cafe-suspendu.org - http://cafe-suspendu.org

*Café Suspendu
Habitat Jeunes - Base de plein air a Gelòs (enter la mairia e las sarras orticòlas).