La Setmana que pèthmuda
Navèra mesa en fòrma, cambiament de colors, diversificacion deus dialèctes, navèth contiengut...
 

Dab lo son numèro 1 000, La Setmana qu'aviè l'arrenavida deu jornau que sia au nivèu de l'estetica com deu contiengut. Qu'ei sonque lo tresau còp en 20 ans d'existéncia.
L'equipa que vòu dar ua navèra impulsion e que fonciona. Que's ved dab las reaccions suus hialats sociaus e las criticas positivas o negativas.

Navèra mesa en fòrma, jornau mei airejat, cambiament de colors, lo roi e lo negre que remplaçan adara lo jaune e lo blu.
Au nivèu deu contiengut, que's concentran mei sus subjèctes qui's debanan en Occitània.
Mei qu'aquò se tractan de subjèctes nacionaus, lavetz qu'analizan las consequéncias en Occitània. Per exemple, un subjècte sus la lei sus la santat discutida au Parlament, que balharà lo parat de véder los efèits deus cambiaments en la foncion medicau a Dacs.
La diversificacion deus dialèctes que serà presa en compte e que'vs perpausan d'enviar articles en las vòstas variantas dialectaus.
Que hasón un aperet e qu'apèran enqüèra a cronicaires, jornalistas exteriors a la redaccion qui vòlen tribalhar dab eths. La Setmana qu'ei lo jornau de tots.
La pagina 2, intitulada " Imatge de la setmana ", qu'ei dedicada aus lectors e que i publican las fòtos de la vòsta setmana e lo corrièr deus lectors.
Lo dossièr centrau qu'ei adara mei long e complet e la darrèra pagina qu'ei consacrada au pertrèit d'ua personalitat occitana.

Tà descobrir la navèra Setmana, que'vs podetz abonar en anar suu site : www.lasetmana.fr