La Mediatèca de Baiona a l'òra gascona
En perlongament de la Maiada d’Anglet, la Mediatèca de Baiona qu’a decidit de víver aqueste au ritme deus contes e musicas de Gasconha...
 

En perlongament de la Maiada d’Anglet, la Mediatèca de Baiona qu’a decidit de víver aqueste mes de mai au ritme deus contes e musicas de Gasconha.
Après la conferéncia de dimars passat dab Patricia Heiniger-Casteret suus condes de Gasconha, d’autas animacions que son previstas au briu deu mes.

Dimars 12 – Conferéncia
« Ua istòria de la lenga gascona a Baiona »
Lenga oficiau de la vila pendent quasi 400 ans, lo gascon qu’a marcat los noms de carrèras, de familhas o de maisons. André Pees que’vs harà descobrir la diversitat lingüistica de la capitala deu Labord.

Dimars 19 – Condes
« N’am traversat nau lanas »
Miquèu Baris, Michel et Babeth Gardie que’vs prepausan un viatge en conde, de Baiona dinc aus Pirenèus on s’i mesclan lo francés e lo gascon.

Divés 22 – Cafè Musica
« Musicas hòravienguda qui ns’arriban d’ací… enlà ! »
Thomas Baudouin e Romain Colautti, musicians deus grops D’en Haut e Artús, que ns’explicaràn quin tribalhan los lors troç dab instruments e ritmes tradicionaus mes tanben mercés a instruments hòravienguts.

Dissabte 23 – Espectacle Joenessa
« Condes pirenencs »
Lo Jan de Minjòt que s’acamiarà los mainats dens istòrias enter mites, legendas e istòrias de las vielhas. Un espectacle bilingüe francés-gascon sus inscripcion, a partir de 5 ans.

Entresenhas mei e reservacions : Mediatèca de Baiona – Plaça deus Gascons - 05 59 59 17 13 o mediatheque@bayonne.fr

A notar tanben deu costat de la Mediatèca A.Labarrère de Pau, lo dimars 12 de mai, a 13h, un Cafè Bearn consacrat a la valorizacion numerica deu patrimòni viu de Bearn e Gasconha dab l’exemple deu site Son d’Aqui, dab Jean-Jacques Casteret, director de l’InÒc Aquitània.