La Maïada d'Aci Gasconha
Un beròi programa a l'entorn de la cultura gascona...
 

L'associacion Aci Gasconha que'vs perpausa deu 20 d'abriu dinc au 4 de mai un hèish d'animacions a l'entorn de la cultura gascona a Anglet.

Lo programa sancèr :

 

-          Deu 20 au 25 d'abriu au Centre de lesers de Baroja :

Un cicle de talhèrs tà sensibilizar los mainats a la valor deu patrimòni lingüistic gascon. De faiçon ludica, los mainats que descobriràn lo « Kit de subervita » en país gascon.

L'intervencion que's harà en bilingüe dab contes, istuèras, musicas e cantas.

Ua creacion de petitas scenetas de teatre e de cantas mimadas serà presentada a la fin de la setmana.

Dab los mainats e los animators deu centre de lesers de Baroja. Per Lucia Albert, Pit Produccion

-          Dimèrcs 30 d'abriu a la bibliotèca - 15 h3O :

Lectura bilingua deu conte: La bòrda de Canteguit.

Un còp èra, un petit vilatge on podèn véder lo camin qui miava a la bòrda deu guit qui canta, com es estranh!!! Ua òra de conte bilingua francés / occitan tà las totas petitas aurelhas. Per lo palhassa Kitch Companhia.

Taus mainats de mei de 5 ans e en familha. Entrada libra, dens la limita de las plaças disponiblas.

-          Divés 2 de mai a la bibliotèca - 18h 30

L'òmi qui plantava arbes.

Arrevitant la tradicion de la velhada contada, Maria-Elena Cauhapè e los musicaires Felip Obin a la contrabassa e Pascau Obedé a la guitarra e a l’oud que’ns mian dens la fabla ecologica tan beròja de Joan Gionò sus musicas a las influenças jazz, blues, bòssa-nòva e flamenco. Ua lectura en francés e gascon de l'istòria d'aqueth pastor qui plantava arbes tà har arreviscolar la region soa.

Après la velhada, cantas e plasers gormands gascons dab Ací Gasconha. Entrada libra, dens la limita de las plaças disponibles. Lectura: Maria Elena Cauhapè – Contrabassa: Félip Obin – guitarra oud: Pascau Obedé.

-          Dissabte 3 de mai au Quartièr Quintau - 15 h 30

Balada en istuèras e musicas.

Qu'ei en ua passejada contada en francés e en gascon a la descobèrta de tralhas gasconas deishadas per l'istòria dens lo quartièr Quintau que'ns convidan Maria-Elena Cauhapè e las musicianas Veronica Gimenez a la harpa celtica e Veronica Nadeau a l'acordeon. Rendetz-vos a 15 òras dens lo hall de la bibliotèca. Sus reservacion.

- Dimenge 4 de mai - Maïada

-          11H : Missa gascona en la glèisa Sent Leon d'Anglet.

-       De mieidia a 13H : Animacion musicau per la bateria fanfara lo R.A.S. d'Anglet e los chancaires « Los pastors deu Seignanx » d'Ondres, plaça de la Mairia.

-      12H30 : Inauguracion deu pin flocat ( lo mai )en l'aunor de la Municipalitat

-      13H30 : Cracada a las Escuderias de Baròja. Menut gascon a 23 € (reservacion : secretariat d' Ací Gasconha au 05 59 03 34 78).

-          16H : Bal gascon dab lo trio Baletòt a las escuderias de Baròja . Entrada libra.

Lo trio Baletòt, Lionel Gomez (guitarra e percussions), Martin Lassouque (acordeon e boha), Alexandre Seli (vriulon, banjo), que'vs convida a la dança dab la lor musica « made in Gasconha ».

Entresehas : Ací Gasconha : 05 59 03 34 78 - www.acigasconha.asso.fr - espacigascon@acigasconha.asso.fr

Bibliotèca Quintau : 05 59 52 17 55 - www.anglet.fr -  bibliothèque@anglet.fr