La Gasconha que hè escala en las Lanas
Lo Conselh Generau de las Lanas que’vs prepausa de descobrir ua navèra edicion de las Escalas Gasconas...
 

Après l’edicion de 2013 en las parets de l’Abadia d’Hastingas, lo Conselh Generau de las Lanas que’vs prepausa de descobrir ua navèra edicion de las Escalas Gasconas a Arrion, los 3 e 4  d’octobre de 2014.

Augan, avidas en partenariat dab la Federacion Francesa de Corsa Landesa, la Federacion Departamentau deus Larèrs Ruraus de las Lanas, l’InÒc Aquitània e l’ensemble deus partenaris, las Escalas Gasconas que tractaràn deu tèma : La transmission de las practicas hestivas. Un eveniment ubèrts a tots, aus coneishedors e amators avisats com a las personas curiosas o sensibilizadas a la cultura gascona.

Lo programa :

Divés 4 d’octobre :

14h-16h a la sala deu rex : Taula redona – Transméter las practicas e los sabers
16h15 : Projeccion deu film "Les quilles de neuf" de Mathilde Lamothe
« Entre mythes, (re)construction historique et patrimonialisation : le jeu de quilles de 9 »
17h -18h30 : Taula redona – Los « passaires de l’immateriau »
21h - 23h : Café Gascon au Bar-restaurant Lo Bosquet suu tèma « Tradicions de hèsta e de jòcs », animat per l’associacion Cafè Gascon de Dacs.

Dissabte lo 4 d’octobre :
Sala deu Rex

10h - 12h30 : Taula redona – Hèsta e Jòcs : Un patrimòni viu
14h - 15h30 : Taula redona – Hami d’aviéner : Espòrt, identitat, marketing culturau
16h - 18h : Taula redona - Har la hèsta : quin sens balhar a l’aviéner ?
Sala de las hèstas
18h30 : Dedicaças dab lo sautaire Nicolas Vergonzeanne e l’autor Michel Puzos
18h45 : Recepcion officiau e aperitiu
21h : Concèrt dab lo grop Xarnège

Pendent los dus dias que poderatz arretrobar d’autas animacions com un espaci de jòcs tradicionaus dab quilhas de 9, de 6, jòcs de husta…, mustras de fotografias o enqüèra un estagi de gascon a gratis.

Tau programa sancèr, clicatz aci :

Entresenhas mei au Conselh Generau de las Lanas
05 58 46 07 10 o maryse.bougue@cg40.fr