L’emigracion pirenenca tèma d'un navèth concors !
L'AFAB qu’organiza un concors de novèlas bracas suu tèma de l’émigracion pirenenca de cap taus pais deu Rio de La Plata.
 

Au parat deus sons vint ans, l’Associacion Franco-Argentine de Béarnais, o AFAB, qu’organiza un concors de novèlas bracas suu tèma de l’émigracion pirenenca de cap taus pais deu Rio de La Plata.

Que compòrta duas categorias : joens de mensh de 18 ans e adultes. Lo concors qu’ei a gratis e ubèrt a tots.
L’òbra que poderà estar redigida en françés, en occitan o en castelhan. Non passarà pas 6 paginas recto simple (haut o baish 30 linhas per pagina).
Qu’averà obligatòriament per tèma l’emigracion pirenenca de cap taus pais deu Rio de la Plata.
Los tèxtes collectius que son admetuts tà la categoria joens de mensh de 18 ans.

Qu'avetz dinc au 15 d'octobre tà har la vòsta inscripcion en enviar un messatge a : amis.afab@wanadoo.fr dab lo titol de l’òbra, lo nom, prenom, adreça postau e corric, l’atge, lo numero de telefòne e s'ei lo cas, las coordonadas de l’establiment escolar e la classa deu candidat.
Que serà junt un engatjament de l’autor suu caractèr personnau, originau e inedit de l’òbra presentada.
 

Las novèlas qu’averàn d’estar enviadas en 5 exemplars au mei tard lo 31 de deceme tà :
Amis AFAB 23 bis avienguda de la Resisténcia 64000 PAU.

Los tèxtes seleccionats que seràn publicats en un recuelh de novèlas qui serà enviat aus participants premiats.
Que podetz telecargar ací lo reglament complet.

Mei d'entrsenhas sus : www.amis-afab.com