L'aviéner de Reclams en question
L’associacion Escòla Gaston Febus–Edicions Reclams que'vs convida a la soa Amassada Generau Extraordinària lo dissabte 17 de junh a 10ò deu matin en los locaus de l'Ostau Bearnés au 46 baloard Alsàcia-Lorena a Pau...
 

L’associacion Escòla Gaston Febus–Edicions Reclams que'vs convida a la soa Amassada Generau Extraordinària lo dissabte 17 de junh a 10ò deu matin en los locaus de l'Ostau Bearnés au 46 baloard Alsàcia-Lorena a Pau.
Au mes de març passat, que'ns hasóm lo relais de l'aperet deu son president Maurice Romieu qui presentava la situacion actuau de la revista "Reclams" e de las edicions, lo foncionament de l'associacion e qui pausava questions cruciaus sus l'aviéner. Clicatz ací tà léger l'aperet.

L'ordi deu dia qu'ei clar :
– Validacion de las proposicions navèras de cotizas (cf. l’editoriau de las revistas n°841 & 842),
– Validacion deu projècte de convencion enter l’E.G.F. Edicions Reclams & l'E.G.F - Castèth de Mauvesin,
– Situacion financèra  : compte de resultat previsionau 2017 e estat de la dinereria,
– Aviéner de la revista Reclams,
– Aviéner de las edicions Reclams e programa editoriau 2017,
– Eleccion deu navèth Conselh d’Administracion e deu navèth Burèu,
– Questions a barreja.

Que comptan sus la preséncia de tots tà portar responsas e préner decisions. Rendetz-ve doncas lo 17 de junh a 10ò deu matin a l'Ostau.
Tà mei d'informacions sus reclams : www.reclams.org