L’aventura deu journau Pays
Tant per tant ua prosejada acabada, ua auta que s’aprèssa lèu...
 

Tant per tant ua prosejada acabada, ua auta que s’aprèssa lèu.
Com un reclam aus Calams Bearnés qui an per tèma augan l’istòria de Gasconha, la Civada, la Biscouette  e l’Ostau Bearnés que v’invitan a ua prosejada bilingua a l’entorn d’un tròç vertadèr de la nosta istòria, lo jornau « Pays ».

Que’s debanarà a la Maison de la Cultura Bearnesa au 46 Baloard Alsace Lorraine a Pau, lo dimars 9 de heurèr a comptar de 18h15.
L’invitat sera Jean Paul Basly capdau de l’associacion la Biscouette qui sòrt de publicar totas las parucions deu setmanèr « Pays » (1977-1978) : 48 numeròs sia 1000 pajas de lectura presentadas en dus volumes.

Que parlerà de l’aventura umana d’un escabòt d’apassionats qui’n hasè partida e qui volèn, çò de purmèr, balhar la paraula aus poblans deu Bearn, de Bigòrra, de las Lanas e deu Bascoat. Mantuns tèmas qu’èran programats, sovent que nhacavan mes tostemps dab ua volentat d’obertura : economia, enviroament, torisma, problèmas sociaus e politics, l’estatut de la hemna, las radios libras, la cultura…

Los journalistas professionaus o amators qu’èran joens, eretèrs de mai 68 e que volèn har vàler las soas utopias de cap tau gran public. Qu’ei donc ua beròia paja de l’istòria nosta qui s’amerita d’estar mei plan coneishuda. Qu’ei tanben un beròi exemple entà la joenessa de uei lo dia.
L’entrada qu’ei libra e a gratis. De cap tà 20h, las discutidas que’s perseguiràn dab lo veire de l’amistat. Que poderatz crompar lo libe 40€.

Rensenhà’s a l’Ostau Bearnés 05.59.30.60.34. e www.ostaubearnes.fr