L'associacion Parlem que recruta
Parlem qui a per prètzhèit lo desvolopament de l'ensenhament e de la practica de l'occitan gascon en lo departament deus Hauts Pirenèus que recruta a un o ua caminaire/a
 

Parlem ! qu'ei ua associacion creada en 1993 qui a per prètzhèit lo desvolopament de l'ensenhament e de la practica de l'occitan gascon en lo departament deus Hauts Pirenèus.

L'associacion qu'organiza numerosas activitats :

- cors de lenga taus adultes dab mei de 15 talhèrs d'aprenedissatge en tot lo departament e un viatge d'estudis a la descoberta d'autas régions de la Gasconha,
- l'operacion « Caminaires », en partenariat innovant dab le Conselh departamentau e l'Inspeccion d'academia, qui perpausa cors d'iniciacion au gascon en las escòlas publicas.  L'associacion qu'emplega 5 Caminaires qui intervienen en 70 classas,
- l'operacion « lenga de casa » iniciada peu Conselh Departamentau puish hidada a Parlem qui anima adara talhèrs de paraula regulars en 11 establiments d'aubèrgament de personas atjadas,
- l'operacion « Lenga e mainats » aviada peu Conselh Departamentau e miada per Parlem qui gereish talhèrs d'iniciacion a la lenga occitana de Gasconha en 15 establiments de la petita enfança,
- en complement de las activitats d'ensenhament aus adultes, Parlem que perpausa l'organizacion d'estagis au títol de la formacion professionau continua sia en individuau sia en l'encastre deu plan de formacion d'ua enterpresa, d'un establiment o d'ua associacion.

Uei l’associacion Parlem que recruta a un o ua caminaire/a qui aja un bon nivèu de lenga parlada e escrivuda tà animar en occitan activitats periescolaris dens las escòlas deu despartament.
Que i averà possibilitats d’animar talhèrs de lenga adultes e intervencions auprès deu public de maisons de retirada e ninoèras.
En un dusau temps, l’activitat que serà completada per iniciacion a lenga occitan dens las escòlas publicas deu despartament.

S'ètz interessat/ada, que podetz arretrobar aci l'auhèrta d'emplec.

Mei d'entresenhas sus Parlem : www.parlem65.com