L'arressopet a la mòda bearnesa
La serada hestiva deu Cap d'An que torna a Luc...
 

Que cercatz un endret on passar la serada deu 31 de deceme e atau plan començar la navèra annada ? Alavetz que’vs calerà anar deu costat de Luc.

L’associacion Reveill’Òc qu’i organiza despuish quauques annadas, un eveniment vadut de compte-har, e qui pòrta lo son nom, lo Reveill’Òc. Musicians, cantaires, dançaires o curiós que son invitats a hestejar sus las musicas de noste e d’aulhors per ua serada partatgèra e de gaièra.

La jornada deu 31 que serà consacrada deu matin enlà aus estagis de musicas (accordeon diatonica, vriulon) o de danças (branlos d'Aussau, pas d'estiu de Baigts mes tanben danças d'Alsàcia e de Bretanha). La grana serada que serà lançada a partir de 20ò dab un aperitiu e un repaish, on cadun que's minjarà un dequé tirat de la saca.

A comptar de 21ò, lo Gran Bal que harà enténer las purmèras nòtas de musica dab los bordalés de La Forcelle, Zeze, musician engenhós deu Bascoat present l'an passat, e las bearnesas de Lilòia.

Avistatz-ve, los estagis e las seradas que son sus inscripcion.
Que podetz telecargar lo buletin ací.

Mei d’entresenhas e programa sancèr suu site : www.reveilloc.blogspot.fr