L'aperet de Ràdio País
Ràdio País qu'ei en difficultat e que lança un aperet urgent a solidaritat...
 

 

Que transmetem l’aperet aquestes dias lançat per Ràdio País:

« Cars auditors e amics,

Qu'ei un aperet urgent a ajuda, a solidaritat.


Que'n son simplas las rasons :
Ràdio País n'a pas arren a véner, qu'ei publica (mercés aus detzenats de valents qui dan
moneda cada mes despuish annadas, aus detzenats de benevòles qui s'i hèn shens
comptar).
Las ajudas publicas qu'an baishat en 2013 (-30 000 euros : Estats e Conselh Generau
deus Pirenèus-Atlantics).

Non i a pas nat hons de rotlament e nada dinereria a Ràdio País.
Ua situacion fragila de la quau se viravan mes adara
la fragilitat qu'ei vaduda dangèr.

Ràdio País que son 3 jornalistas, 1 animator, 2 tecnicians, 1 productora coordinatora
delegada, 1 administrativa, 168 òras de programas per setmana 24/24h 7/7h
, ua navèra formula lo matin Good morning occitània, un trentenat d'animators benevòles, navèths programas d'espelir en Béarn, Gèrs e en Bigòrra.

Si apreciatz lo tribalh hèit per Ràdio País despuish mei de trenta ans, si ètz per ua pluralitat d'expression e per ua ràdio en occitan, si tiram amassas, que nse'n sortirà Ràdio País. Qu'ei adara que cau agir.

Que podetz har un virament (boton de don suu site www.radio-pais.com) o en clicar aci.

Si'u hètz permanent qu'afavorirà ua perennizacion de l'utís, formulari de trobar en picar ací.

Que podetz adreçar los vòstes chècs :

Ràdio País - ZA117

2, carrèra màger - rue principale

64230 PUEI - POEY-DE-LESCAR

Un recebut que'vs serà enviat entaus impòsts.

Mercés.

L'equipa de Ràdio País »