L’OMB que cèrca sòcis
La hèsta « A l’entorn de la husta » acabada, l’Ostau deu Mòble Bearnés que hasó lo bilanç deus 6 mes passats...
 

La hèsta « A l’entorn de la husta » acabada, l’OMB, Ostau deu Mòble Bearnés, que hasó lo bilanç deus 6 mes passats.

Se lo tribalh hèit tà promòver lo patrimòni bearnés e l’artisanat locau que permetó la realizacion de projèctes com la Xilotèca Pirenenca Mobila, lo bilanç tà çò qui pertòca las adesions a l’associacion n’ei pas a la hautor de las espèras…

L’OMB que lança uei un aperet a tots los sons sòcis qui n’an pas enqüèra pagat la lor contibucion o a totas las personas qui desiran préner part aus projèctes o a la vita de l’associacion.

L’estructura, a despieit de las subvencions publicas, que demora fragila financèrament e las adesions qu’an ua dobla importància : economica tà aver hons de rotlament entà miar projèctes e estrategica tà muishar aus aliats actuaus e a viéner que las ideas de l’OMB e son tanben las de la populacion locau.

L’adesion taus individuaus qu’ei de 15€ e taus professionaus o las institucions qu’ei de 50€.

L’associacion qu’ei ua associacion d’interès generau donc que poderatz aver ua deduccion fiscau de 60% tà las enterpresas e 66% taus particulars.

S’ètz interessats que podetz telecargar un bulletin d’adesion ici.

Tà mei d’entresenhas que cau contactar : mbearnais@gmail.com o 05 59 21 79 02 / 06 98 23 37 34

O anar sus : www.meublebearnais.fr