L'InÒc que'vs desira Bona Annada
La navèra campanha de vòts de l'InÒc Aquitània qu'ei d'ara enlà vededera...
 

Que n’ètz acostumats adara, qui ditz navèra annada que ditz navèra campanha de vòts de l’InÒc Aquitània. Despuish 2003, aquesta estructura que mia aquesta campanha dab mantuns partenaris publics o privats (IDELIS, las estacions d’esquí NP’Y,…). Partenaris associatius que’s hèn tanben lo  relai de la campanha en lo parçan de Tolosa, en Bigòrra,…

Augan, l’InÒc Aquitània que s’ei inspirada de l’actualitat en har un clinhet a l’aviada de la purmèra canau de television sancerament en occitan : Òc Tele.

Qu’existeish suppòrts diferents per aquesta campanha :

      - Las aficas, a màger part en l’espaci public de las aglomeracions de Bordèu, deu Mont, Pau, Ortès, Agen, Sent-Gaudenç, Tarba, Tolosa,…mes tanben en organismes associatius com La Maison de la Cultura Occitana de las Hautas-Pirenèus, l’Ostal d’Occitania de Tolosa, la Confederacion de las Calandretas (Lengadòc),…
      
      - Cartas de vòts personalizadas entaus partenaris que sian collectivitats, associacions, o enterpresas qui vòlen desirar los vòts per aqueth biais
      
      - Cartas postaus (« Cart’com ») a gratis qui’s pòden trobar en mei de 400 endrets en Aquitània
(brasserias, restaurants, bibliotècas, salas d’espectacles e concèrts, maines universitàrias,…(tiradas a 25000 exemplaris)
      
      - E tanben un messatge sonòr qui permet aus qui ne son pas familiarizats dab la grafia classica, d’enténer la bona prononciacion de « Bona Annada »


Si voletz mei d’entresenhas sus la campanha « Bona Annada 2014 », que‘vs conselham d’anar véder lo site internet de l’InÒc Aquitània (http://www.in-oc.org )