L'Etnomusicologia de França en seminari
« Espiars crotzats suus procèssus de transmission de las musicas tradicionaus en França »...
 

L’InÒc Aquitània e la DGP deu Ministèri de la Cultura qu'organizan a Vilhèra los 11 e 12 de noveme au Castèth d'Este, lo purmèr Seminari annau en etnomusicologia de la França entitolat « Espiars crotzats suus procèssus de transmission de las musicas tradicionaus en França ».

En l'encastre de las soas missions d'Etnopòle, l'InÒc Aquitània que met en plaça un seminari annau dedicat a l'etnomusicologia de la França. Dab la creacion d'aqueth encontre, la Direccion generau deus patrimònis deu Ministèri de la Cultura e de la Comunicacion qu'a volut sostiéner e valorizar la recèrca sus las musicas e danças tradicionaus deu maine francés e favorizar l'encontre professionau e la formacion.

L'idea qu'ei de favorizar l'encontre de cercaires institucionaus e de portaires de las expressions musicaus e coregraficas ditas tradicionaus, qui son engatjats en la reflexion sus la lor practica e la soa transmission.

Aqueth seminari qu'ei pensat com un espaci d'escota, d'informacion, d'aprentissatge, cada participant qu'apren de l'aute ; com un espaci qui favoriza la distanciacion a las practicas contemporanèas, aus procèssus de transmission, de construccion deu maine.

Lo seminari qu'ei ubèrt au public, mes que's cau inscríver au près de m.larche@in-oc.org.

Que podetz telecargar la presentacion d’aqueth seminari en clicar ací e tanben lo son programa sancèr.