L’Estagi d'Arsac deus Menestrèrs Gascons
Los 19 e 20 de noveme qui arriban, l’un deus eveniments de musica tradicionau aviat peus Menestrèrs Gascons que torna. L’Estagi 2016 que’s debanarà com de costuma a Arsac.
 

Los 19 e 20 de noveme qui arriban, l’un deus eveniments de musica tradicionau aviat peus Menestrèrs Gascons que torna. L’Estagi 2016 que’s debanarà com de costuma a Arsac. 

Aqueths dus dias que seràn consacrats a talhèrs de musica, danças e cantas davantejats per monde coneishuts e arreconeishuts deu dem

iei de la musica tradicionau de las duas culturas deu noste departament. En mei d’aquò, un gran bal qu’animarà lo dissabte ser dab los animators de l’estagi e los musicians de Menestrèrs Gascons, shens desbrombar los aperitius e repaishs qui balharàn d’aconòrt aus estagiaris.

Au programa donc, 4 talhèrs :

- Danças d’Arièja dab Daniel Detammaecker : danças collectivas e ludicas de las vaths deu Coseran. Ubèrt a tot dançaire manca los grans debutants.

- Sauts bearnés, estile de Lucq dab Jean-Jacques Habarés e Crestian Josuèr : apprentissatge e practica deus diferents sauts en l’estile especific de Luc de Bearn. Entà tot dançaire qui coneish los pas deus sauts

- Percussions dab lo percussionista e ensenhaire aragonés Fernando Gabarrús. La percussion aragonesa que s’empara suu repertòri tradicionau deus bals, passcarrèras…Nivèu debutant

- Acordeon diatonic dab Anne-Lise Herbel : Estudi de l’acompanhament, mei que mei los accòrds a la man dreta, construccion deus accòrds, jòc en arpèja… Entà accordéon sol/do. 12 participants max.

Si voletz mei d’entresenhas suus oraris, talhèrs o modalitats d’inscripcion que podetz contactar los organizators au 05 59 62 11 59. Amanejatz-ve, las inscripcions que son quasi acabadas mes lhèu que demorarà quauques plaças.

www.menestrersgascons.com