L’Estagi d'Arsac deus Menestrèrs Gascons
Los 21 e 22 de noveme qui arriban, l’un deus eveniments de musica tradicionau aviat peus Menestrèrs Gascons que torna...
 

Los 21 e 22 de noveme qui arriban, l’un deus eveniments de musica tradicionau aviat peus Menestrèrs Gascons que torna. L’Estagi 2015 que’s debanarà com de costuma a Arsac.

Aqueths dus dias que seràn consacrats a talhèrs de musica, danças e cantas davantejats per monde coneishuts e arreconeishuts deu demiei de la musica tradicionau de las duas culturas deu noste departament.

En mei d’aquò, un gran bal qu’animarà lo dissabte ser dab los animators de l’estagi e los musicians de Menestrèrs Gascons, shens desbrombar los aperitius e repaishs qui balharàn d’aconòrt aus estagiaris.

Au programa donc, 4 talhèrs :
    - Danças Soletinas dab Johañe Etchebest e Crestian Josuèr : aqueste obrador que serà un aprentissatge deus pas de basa e deus sauts de Sola. Qu’ei ubèrt a tot nivèu manca los grans debutants.
    - Branlos d'Aussau dab Marie-Claude Hourdebaigt, Jean-Jacques Habarés e Mathilde Duffau : ubèrt aus dançaires confirmats.
    - Canta dab Geneviève Clément-Laulhère : ubèrt a tot nivèu acceptat manca los grans debutants, 10 personas maxímum.
    - Acordeon diatonic dab Marc Castanet : apprentissatge de melodias a dançar gasconas. Ubèrt a tot musician qui mestreja los ritmes 2/4, 3/4, 4/4 e 6/8, acordeon Sòl/Dò, 10 personas maxímum.

Si voletz mei d’entresenhas suus oraris, talhèrs o modalitats d’inscripcion que podetz contactar los organizators au 05 59 62 11 59.

Lo bulletin d’inscripcion qu’ei a tornar, dab lo pagament, abans lo 10 de noveme.

Que’u trobaratz suu site www.menestrersgascons.com