L’Estagi d'Arsac deus Menestrèrs Gascons
En aqueste fin de mes, l’un deus eveniments de musica tradicionau aviat peus Menestrèrs Gascons que torna...
 

En aqueste fin de mes, l’un deus eveniments de musica tradicionau aviat peus Menestrèrs Gascons que torna. L’Estagi 2014 que’s debanarà los 29 e 30 de noveme a Arsac.

Aqueths dus dias que seràn consacrats a talhèrs de musica, danças e cantas davantejats per monde coneishuts e arreconeguts deu demiei de la musica tradicionau deus dus costats deus Pirenèus.

En mei d’aquò, un gran bal qu’animarà lo dissabte ser dab los animators de l’estagi e los musicians de Menestrèrs Gascons, shens desbrombar los aperitius e repaishs qui balharàn d’aconòrt aus estagiaris.

Au programa donc, 4 talhèrs :
    - Jotas Aragonesas dab Olga León (fòto) e Jesús Rubio : aqueste obrador que serà un aprentissatge deus pas de basa e de mantuas jotas. Qu’ei ubèrt a tot nivèu.
    - Branlos d'Aussau dab Crestiana Mosquès e Jean-Jacques Habarés : ubèrt a tot dançaire dab ua practica de dança.
    - Canta dab Pèire Boissière : cants de dança e autes, tot nivèu acceptat.
    - Percussions dab Jonás Gimeno : apprentissatge de las tecnicas  de basa de la pandereta. Tot nivèu manca los grans debutants.

Si voletz mei d’entresenhas suus oraris, talhèrs o modalitats d’inscripcion que podetz contactar los organizators au 05 59 62 11 59. Lo bulletin d’inscripcion qu’ei a tornar, dab lo pagament, abans lo 18 de noveme.
Que’u trobaratz suu site www.menestrersgascons.com

Que'ns profieitam tanben tà brembar que le doble DVD "Corrent en davant" de Crestiana Mosquès e Bernard Sanderre qui ei ua passejada en Bearn en seguir los dançaires despuish las annadas 80, que va paréisher au mes de deceme qui vien e qu'ei en soscripcion dinc au 30 de noveme.
15€ lo DVD e 4,10€ de pòrt.
Que podetz enviar un chèc a l'òrdi de Menestrèrs Gascons a l'adreça :
Menestrès Gascons
c/o C. Mosquès
10 Rue des 3 frères Bernadac
64000 Pau