Juntatge enter tradicion e modernitat
Darrèrs dias entà sostiéner lo projècte artisanau deu Collectiu Juntatge...
 

Lo collectiu Juntatge que’s formè en l’encastre de l’associacion de l’Ostau deu Mòble Bearnés, per ahamiats qui credèn a la creacion de navèths mòbles bearnés, a l’encòp identitaris e contemporanèus. Lo projècte que vadó en tota convivéncia a l’entorn de l’enveja de tornar crear quauquarren de navèth a partir de l’esperit deu Bearn.

Au bèth miei d’aqueth collectiu, qu’i son tres enterpresas de mestieraus qui an concebut e fabricat aqueths mòbles, Pierre Vidal : menusèr, tornèr e escultor de la Vath d’Aussau, la SARL Gonnet-Bourguetou deu costat de Gant e lo Sylvain Duval qui tribalha peu vesiatge basco.

Ua purmèra collecccion « Coronatge » (que la podetz anar véder ací : http://www.meubles-juntatge.fr ) qu’ei dejà gessida de l’imaginacion e de las mans escarpas d’aqueths artisans ajudats per tota ua equipa de hemnas e d’òmis engatjats per un anar estetic, culturau e etic sustot dab l’utilizacion de husta tirada de la seuva pirenenca, segada locaument.

Adara qu’ei previst d’aviar lèu ua estructura cooperativa tà perméter de facilitar lo tribalh administratiu e de har los escambis dab los clients e hornidors mei aisits. Los frais administratius tà la creacion d’aquera estructura que mian lo collectiu Juntatge a lançar un aperet a un finançament participatiu, manièra d’ajudar de mòda per aquestes torns.

Alavetz, si voletz balhar la man ad aqueth beròi collectiu, rendetz-ve sus la lor pagina sus la platafòrma Ulule consacrada ad aqueth projècte : http://fr.ulule.com/juntatge-esperitbearnes/