Jan de l'ors mei qu'un conte un mite
La presidenta de l'associacion Carnaval Pantalonada, Claudie Monin, qu'a mei d'un chivau a la bòrda...
 

Se Claudie Monin ei coneishuda per estar la presidenta de l'associacion Carnaval Pantalonada, qu'a totun mei d'un chivau a la bòrda.

Dus ans a, en l'encastre deu son Certificat Internacionau d'Ecologia Umana (CIEH) a l'Universitat de Pau, que presentè lo son memòri "Desvelhatz-ve, contatz ! Quan Jan de l'Ors e revela la plaça hèita au còs".
Devath la direccion de Bernard Duperrein, Mèste de Conferéncias en Sociologia a l'Universitat de Pau e deus País de l'Ador e responsable pedagogic deu CIEH, que tribalhè a partir deu conte de Jan de l'Ors e que seguí las traças istoricas e geograficas de la nosta mitica bèstia pirenenca...
Èste excepcionau, tanhent deu divin, detentor de secrets e mediator, l'ors qu'a tostemps fascinat los òmis. E lo Carnaval Biarnés que'u dedica tota ua serada.

Luenh de totas las polemicas a l'entorn de la bèstia en los Pirenèus, Claudie monin e Bernard Duperrein que presentaràn divés qui vien, lo 3 d'abriu, ua conferéncia d'Ecologia Umana : "L'Ors o lo desordi aprivat".
 
Que'vs balhan donc rendetz-ve de 17h30 dinc a 19h30 en l'Amfiteatre de la Presidéncia de l'UPPA.

Se'n voletz saber mei suu memòri de Claudie, que'u podetz léger en clicar ací.

Tà mei d'entesenhas sus la conferéncia, lo site qu'ei www.univ-pau.fr/RECHERCHE/CIEH , lo contacte : lionel.dupuy@univ-pau.fr o 05 59 40 72 80.