Jan-Mari Carlotti a l'aunor
l'associacion Menestrèrs Gascons en collaboracion dab la vila de Vilhèra, las escòlas de musica deus Luys en Bearn e Visanòs qu'organiza lo son rendetz-ve annau "1,2,3...". Augan, l'envitat d'aunor qu'ei Jan-Mari Carlotti...
 

Un còp mei, l'associacion Menestrèrs Gascons en collaboracion dab la vila de Vilhèra, las escòlas de musica deus Luys en Bearn e Visanòs qu'organiza lo son rendetz-ve annau "1,2,3...". Augan, l'envitat d'aunor qu'ei Jan-Mari Carlotti, autor-compositor de cançons e membre fondator deu grop Mont-Jòia qui estó purmèr tà la recèrca e l'arrenavida de la canta provençau.
Que serà doncas a Vilhèra la dimenjada deus 21, 22 e 23 d'octobre.

Au programa :
- Divés 21 a 19H a la Mediatèca d'Este : Encontre dab Jan-Mari Carlotti tà ua batalèra a l'entorn de la canta tradicionau provençau e la composicion mesclada dab musica, cant e eregistraments.
- Dissabte 22 :
    - a la Guingueta de Vilhèra de 10h dinc a 12H e de 14H dinc a 16H : Talhèr tot nivèu de danças de la Val Varaita, vath occitana deu pèmont italian dab Gabriele Ferrero e Silvio Peron.
    - a la sala Delacaze a 20H30 : Concèrt Quartet dab Jan-Mari Carlotti au cant e a la guitarra, Armelle Choquard dançaira de Bharata Natyam (dança classica indiana), Silvio Peron a l'acordeon diatonic e Gabriele Ferrero au vriolon tà un viatge poetic a l'entorn deus cants de trobadors e de la musica provençau. Espectacle seguit d'un bal dab Silvio Peron e Gabriele Ferrero.
- Dimenge 23 de 10H30 dinc a 17H a la Maison de la musica de Montardon : Talhèr de cants deu repertòri provençau dab Jan-Mari Carlotti tà cantaires e musicians non començants. Inscripcions au  05 59 33 56 65.

Avisatz-ve, l'entrada qu'ei a gratis mes non demoran pas hèra de plaças tà l'espectacle deu dissabte ser. Reservacions a la Mairia de Vilhèra au 05 59 40 03 30.
Entresenhas Menestrèrs Gascons au 05 59 62 11 59 o sus www.menestrersgascons.com