Huec de la Sent Jan a Lescar
Tradicion arrespectada despuish mantuas annadas, lo « Huec de la Sent jan » organizat per l’Esquireta que’s debanarà lo 23 de junh. Augan, lo programa de las festivitats que demorarà fidèu a las edicions precedentas.
 

Tradicion arrespectada despuish mantuas annadas, lo « Huec de la Sent jan » organizat per l’Esquireta que’s debanarà lo 23 de junh. Augan, lo programa de las festivitats que demorarà fidèu a las edicions precedentas.

Atau, a comptar de 19h, los sauts bearnés e l'aperitiu auherit per la municipalitat que lançaràn la serada.
A 20h00, tot lo monde que son convidats a un gran repaish popular on cadun e poderà causir, sia de’s har seguir lo dequé, sia de crompar grasilhadas servidas per la Calandreta de Lescar. Aqueth moment de convivialitat que serà animat per musicians.

Au bombat de 22h15, que començarà lo tradicionau passacarrèra aus flambèus.
Lo lenhèr que serà quilhat a l’entorn de la « bruca » qui serà alucada suu còp de 22h30 au son de la flabuta, deu tamborin e deu vriulon.
La serada que contunharà atau dab cantas, musicas e danças a l’entorn deu huec.
La serada qu’ei a gratis.
Petit raperet : la tienguda officiau qu’ei un haut blanc e un baish negre !

Augan totun ua nautat: lo dia deu "Huec d' Estiu" taus mainatges ! 
De 9 òras deu matin dinc a las 2 o 3 òras deu vrèspe que s'i haràn dab canta, dança, flòcs de flors, abelhas, astronomia, papèr plegat, conte e tà acabar lo huec e lo bal deus mainatges.

Informacions mei : sylvain.masseillou@gmail.com