Huec de Sent Jan a Lescar...
Lo « Huec de Sent Jan » organizat per l’Esquireta que’s debanarà lo 23 de junh de 2016...
 

Tradicion arrespectada despuish mantuas annadas, lo « Huec de Sent Jan » organizat per l’Esquireta que’s debanarà lo 23 de junh de 2016. Augan, lo programa de las festivitats que demorarà fidèu a las edicions precedentas.

Atau, a comptar de 19h la gran cantèra, plaça de l’Avescat que lançarà la serada.

A 20 h 15, tot lo monde que son convidats a dançar sauts e branlos bearnés abans lo « Juranson d’aunor » auherit per la municipalitat.
Que seguirà un gran repaish popular on cadun e poderà causir, sia de’s har seguir lo dequé, sia de crompar grasilhadas servidas per la Calandreta de Lescar. Aqueth moment de convivialitat que serà animat peus musicians deus Eclectics.

Au bombat de 22h15, que començarà lo tradicionau passacarrèra dinc au Valon de Lescorra
Lo lenhèr que serà quilhat a l’entorn de la « bruca » qui serà alucada suu còp de 22h30 au son de la flabuta, deu tamborin e deu vriulon.
La serada que contunharà atau dab cantas, musicas e danças a l’entorn deu huec.
La serada qu’ei a gratis mes totun, los sòcis de l’Esquireta que prepausaran ribans (participacion libra) entà ajudar a l’organizacion de la hèsta.

Petit raperet : la tienguda officiau qu’ei un haut blanc e un baish negre !

Mei d’entresenhas : sylvain.masseillou@gmail.com