Hubert Dutech que torna sus las ondas
A comptar de l'auta setmana, l'autor que serà sus Radio Oloron puish Ràdio País a la rentrada...
 

L’autor, Hubert Dutech, que’u coneishetz tots segur, dilhèu shens ac saber. Qu'ei lo qui hasèva l'emission "Dia per Dia" cada matin sus Ràdio País de la quau a tirat lo son libe « Dia per dia, l’Histoire du Béarn au jour le jour ».

Qu’ei èth enqüèra qui a escrivut tant per tant çò qui poderem aperar l’antologia deus vilatges bearnés : « Lo Noste Bearn », un liberàs de dus quilòs qui amassa tota l’istòria, las hèitas e las istuèras, los sites de non pas mancar deus tres cents ueitanta sheis vilatges bearnés !

E non podem pas carar tanpòc Hubert Dutech qu’ei lo webmèstre deu site internet mei exaustiu dilhèu suu noste patrimòni : www.lebearn.net

Uei, qu’èm urós de v’informar que harà lo son tornar sus las ondas tà léger lo son darrèr roman arrevirat en lenga nosta : "Le Temps des Grues" (Ed. Catybou).

En aqueth libe, que s’i parla de la vita vitanta, de las jòias e deus chepics de tot dia d’ua familha de paisans de la Vath d’Aspa après la purmèra Gran Guèrra.

Que’u poderatz arretrobar en escotar Ràdio Auloron cada matin a comptar deu 14 d’abriu qui arriba e dinc a la fin de julhet a 9h15 o Ràdio País a comptar deu mes de seteme e dinc a la fin de l’annada.

Tà tot saber sus las duas ràdios : www.radiooloron.fr e www.radio-pais.com