Hestiv’Òc sus las pistas
Las comunas de Goreta e Aigas-Bonas que s’an apressat de l’associacion Accents du Sud entà prepausar ua version ivernau deu hestau Hestiv’Òc. Las duas « equipas » qu’an tribalhat amassa entà prepausar aquesta purmèra edicion qui’s debanarà los 17,18 e 19 de març 2017.
 

Las comunas de Goreta e Aigas-Bonas que s’an apressat de l’associacion Accents du Sud entà prepausar ua version ivernau deu hestau Hestiv’Òc.
Las duas « equipas » qu’an tribalhat amassa entà prepausar aquesta purmèra edicion qui’s debanarà los 17,18 e 19 de març 2017.


Tau com lo hestau d’estiu, que trobaram fanfaras, concèrts, bals, contes, documentaris e un sarrot de susprèsas… Ua beròja serada en altitud qu’ei prevista lo dissabte 18 de març, vertadèr moment privilegiat en danças e en cançons (tà’n saber mei, clicatz ací).
Hestiv’Òc non seré pas Hestiv’Òc shens ua gran cantèra d’obertura dab los mots de planvienguda en lenga nosta. Un aperet qu’ei donc lançat a tots los cantaires de la Vath d’Aussau e d’aulhors a viéner entonar la Plenta deu Pastor, Aqueras Montanhas e la Sobirana.


Que tornaram mei precisament suu debanament e suus programa d’aquesta purmèra edicion de Hestiv’Òc de Nèu en las letras seguentas, mes ta’us qui ne vòlen pas aténer, que’vs deisham anar horucar deu costat deu site internet deu hestau : http://www.hestivoc.com/hestivoc-de-neu/