Hestiv’Òc...las causidas de los de l’Ostau
Enqüèra un còp, la programacion de Hestiv’Òc que serà hòrt eclectica. Tres salariats de l’Ostau qu’an prés lo partit de’vs balhar lo lor « còp de còr » en aquesta 12au edicion...
 

Enqüèra un còp, la programacion de Hestiv’Òc que serà hòrt eclectica.
Tres salariats de l’Ostau qu’an prés lo partit de’vs balhar lo lor « còp de còr » en aquesta 12au edicion :


- Les Ogres de Barback / Bal Brotto-Lopez :
Un grop d’endom de la cançon francesa e un duo de tria de musica tradicionau occitana, amassats entad ua creacion efemèra dab sonque 15 datas en França aqueste estiu, que balha com resultat un concèrt de non pas mancar !
Cada grop que s’invita dab los sons instruments, las soas referéncias, lo son esperit en lo repertòri de l’aute, entà colorar-lo, enriquir-lo e miar-lo de cap tad un viatge inedit.
Que seràn sus l’empont gran lo dissabte 20 d’aost a comptar de 21h15.

- Boisson Divine :
Vadut en 2005 en lo Gèrs, lo grop Boisson Divine que prepausa ua beròja mesclanha enter identitat gascona e heavy metal, enter tradicion e modernitat, cantada en francés e en occitan.
Los tèxtes que son lo reclam de la vita vitanta deus musicaires, enter legendas vielhas e òda a la tèrra, cançons tradicionaus e aumenatges aus qui an marcat l’Istòria.
Que va bolegar hòrt sus la Plaça Reiau a 22h tà acabar Hestiv’Òc 2016 !

- San Salvador :
Formacion vocau vienuda de Corresa, San Salvador qu’a entinoat despuish mantuas annadas un tribal de recèrca artistica a l’entorn de la polifonia. Que renovèlan lo patrimòni tradicionau cantat en ns’auherir ua musica qui viatja enter las culturas e los univèrs musicaus.
Poderosas o delicatas, las votz de San Salvador ne’vs deisharan pas insensibles. Au Teatre Sent-Loís, lo dissabte 20 a 15h30.