Hèsta de la Husta 2015
Lo vilatge de Luc qu'arcuelha la 9au edicion de la Hèsta de la Husta per la purmèra dimenjada de seteme...
 

Augan, la Hèsta de la Husta de Luc que'n serà a la soa 9au edicion. Après las "Mecanicas Suberrealistas" que'ns torrinèn ua istuèra de petit òmi, non, non, pas en mossa meilèu lo dab virolet e cacauèt...
Lo divés ser que's passarà au campatge tà drin mei de vacanças, lo dissabte que's harà au ritme de passejadas, talhèrs, conferéncias, espectacles e d'ua serada musicau a tot petar.

Lo divés 4 de seteme a 21H : Serada au campatge - Entrada libra
Per ua serada lo vilatge que vad un lòc de libra expression dab teatre, installacions plasticas, musica, reïvendicacions, discutidas de tot ordi, caravanas, tendas, palhassas per un espectacle hòra nòrmas...
Concèrt dab Sex, drugs & Rebetiko, un grop qui arreviscòla lo repertòri grèc dab ua musica enairejanta aus accents rudes e mediterranèus.

Lo dissabte 5 de seteme : Jornada e serada : 9.99€, 6€ tarifa redusida (mensh de 18 ans, estudiants, demandadors d'emplec) e a gratis taus mensh de 12 ans

De 10h dinc a 15H : passejada hèra natura qui'vs miarà a la descobèrta deu desbardatge a chivau - ubèrta a tots, de non pas desbrombar la pantauleta a partatjar...

15H : Talhèrs e Animacions
- Passejada "A cadun la soa natura" dab exercicis simples e ludics tà tornar préner contacte dab lo son animau interior animat per Valérie e Jean Soust - Inscripcions : 0687439563
- Piñata taus mainatges dab Alyn Vitte
- Sodadura taus adultes : realizacion d'ua escultura dab materiaus de recuperacion sodats animat par Ludo e Gouigue - interdit aus qui an lentilhas de contacte - Inscripcions : 0687439563
- Buto dab Bioletta Marcassine, 2 òras tà ensajà's a la dança-teatre tà trobar la soa plaça - Inscripcions : 0628079479
- Encontre d'ua planta amiga dab Nadine Dubon, un encontre subtiu capvath ua relaxacion guidada - Entresenhas : 0687439563
- Iniciacion au Branlo d'Aussau
- Tisteratge dab Didier Cadiran, fabricacion de peishòts, de platèus catalans, de flors o d'insèctes...
- "Ça va cartonner", espectacle musicau brac e interactiu dab Patrick Pouzet
- Arc-Trap dab l'associacion Lez'arc
- Iniciacion a las quilhas de 9 dab lo club de Monenh

Conferéncias e Taula Redona
- 15H Encontre dab Anarcharsis ua maison d'edicion independenta
- 16H Taula redona "Los GFA : gropà's e hicar a disposicion tèrras tà ua agricultura paisana"
- 17H Conferéncia "L'aiga de la hont dinc aus pòts" per Georges Oller, engenhaire idro-geològue.

Espectacles
- 16H "Les tapas", teatre d'arrua
- 17h Concèrt dab Aronde qui equilibra duas identitas hòrtas gessidas deus repertòris tradicionaus auvernhat et gascon
- 18H Les demi-frères Grumeaux, teatre d'arrua
- 19H Aperitiu musicau dab Hootchie Cootchie, qu'ei caut, que tusta, qu'ei voodoo...
- 21H30 Bal dab Pialuts, qu'ei pelut, espès, borut e que hè bolegar las musicas a dançar deu Carcin...
- 22H30 Bal dab Les Poufs à Cordes, duò femenin auvernhat de musicas a dançar...
- 23H Concèrt dab Bitpart,  grop Indie-punk weirdos...
- 00H Bal dab los DJs Hellvis e Paul Memphis, ròck pisha-pishant !

Mei d'entresehnas sus la pagina facebook de l'eveniment.