Hera deu hromatge a Laruns
E de cinc ! Ua etapa de mei en lo maraton deus eveniments estampats "Seteme en Bearn"...
 

Adara qu’ei la tradicion, la purmèra dimenjada d’octobre que’s debana a Laruns, la Hera deu Hromatge.

Tot lo vilatge que s’afaita de vestits de hèsta e que viu au ritme de la hera : cants, danças, demostracions de tóner e de fabricacion de hromatge e d’autas animacions pendent aqueths dus dias qui hen aunor aus saber-hars e a la cultura aussalesa.

Quintze a vint-mila personas  que’s deishan sedusir cada annada dab un programa basat sus la descobèrta, l’escambi, la degustacion de hromatge dab Juranson shens desbrombar los produits deu centenat d’expausants amassats peu vilatge.

Los visitors que descobreishen tanben lo tribalh de tot dia deus aulhèrs tau com las dificultats mes tot que demora dens un esperit de hèsta e de convivénça.

Lo partatge que serà tanben de la partida pr’amor despuish quauques annadas, los organizators qu’invitan ua region qui serà hicada a l’aunor mercés a la soa cultura o a la soa produccion. L’an passat, qu’èra la Soïssa, en 2014 que seràn los vesins de l’Aragon qui vieneràn participar a la hera.

Lo programa sancèr de l’edicion 2014


Entresenhas mei : 05 59 05 31 41 o  www.foireaufromage.com