Halha de Sent Jan de l'Esquireta
La tradicion que serà arrespectada deu costat de Lescar lo diluns 23 de junh...
 

La tradicion que serà arrespectada lo diluns 23 de junh a Lescar, pr'amor que’s debanarà  la tradicionau Halha de Sent-Jan.

Aquera manifestacion hèra populara qu’ei organizada per l’Esquireta dab l’ajuda de la Calandreta de Lescar.

Au programa:

A 19h, suu pati de la Catedrala de Lescar, qu’ètz invitatz a dançar sauts e branlos bearnés e tà v’arrefrescar, un "Juranson d’aunor" qu’ei auherit per la municipalitat de Lescar. Qu'averatz lo parat d'enténer tanben las bèras votz deus mainats de la Calandreta de Lescar.

Tot aquò que serà seguit d’un gran repaish popular en tota convivéncia sus la « Plaça de l’Avescat », a comptar de 20h15, on minjaratz çò tirat de la saca o las grasilhadas preparadas per la Calandreta de Lescar, acompanhadas de musica e de cantas.

 

Puish a 22ò15 que començarà lo passa-carrèra a las halhas qui’vs miarà de cap au Valon de Lescorra on lo lenhèr serà ahuecat.

Ua bona serada non se pòt pas acabar shens musica, qu’ei donc la fanfara Holet en l'Arribèra qui jogarà tà bohar las darrèras brasilhas.

L’Esquireta que rapera que la serada ei a gratis mes que’vs perpausarà ribans de crompar a prètz libre tà ajudar a l’organisacion d’aquera hèsta.

 

De mei, lo vestit officiau de la Halha qu’ei un dequerò de blanc en haut e de negre au baish.

Mei d’entresenhas au 0610830778.