Guida de l'espectacle viu en Pirenèus-Atlantics
Lo Conselh Generau deus Pirenèus Atlantics que sòrt de publicar aqueth apèr en tres lengas : francés, basco e occitan...
 

Lo Conselh Generau deus Pirenèus Atlantics que sòrt de publicar lo son Guida de l'espectacle viu en Pirenèus Atlantics. Aqueth document qu'ei en tres lengas : francés, basco e en occitan, l’arrevirada aquesta qu’estó hèita peus amics de l’InÒc Aquitània.

Aqueth guida que presenta la politica culturau departamentau abans de n’explicar los enjòcs, los objectius e l'encastre d'intervencion de l'esquèma departamentau de l'espectacle viu. Lo prètzhèit d’aqueth apèr justament qu’ei d’ajudar la cordèra de l’espectacle viu e facilitar las alianças enter actors d'aqueth sector dens lo departament.

Puish que hè ua cartografia deus lòcs e estructuras de difusion, deus hestaus, de las companhias, en vista d’amuishar lo dinamisme artistic dont hèn mustra los diferents actors, sostienguts peu Departament.

Enfin, qu'identifica las estructuras ressorças qui pòden ajudar los partenaris a miar tà tèrmi los lors projèctes artistics.

Entà entresenhas mei, descobritz lo Guida de l'espectacle viu en Pirenèus-Atlantics.